LogoLogo

Reginella

A Neapolitan song of 1917, by L. Bovio and G. Lama
Follow ItalyHeritage on Facebook:


 
Te si' fatta 'na veste scullata,
nu cappiello cu 'e nastre e cu 'e rrose
stive 'mmiezo a tre o quattro sciantose
 
e parlave francese accussì.
Fuje l'autriere ca t'aggio 'ncuntrata
Fuje l'autriere a Tuleto gnorsì.
 
T'aggio voluto bene a te
Tu m'è voluto bene a me!
Mo nun 'nce amammo cchiù,
ma 'e vvote tu
distrattamente pienze a me!
 
Reginè, quando stive cu mmico
Nun magnave ca pane e cerase
Nuje campavamo 'i vase, e che vase,
 
tu cantave e chiagnive pe' me
e 'o cardillo cantava cu ttico:
Reginella 'o vo' bene a 'stu rre.
 
T'aggio voluto bene a te
Tu m'è voluto bene a me
Mo nun 'nce amammo cchiù,
ma 'e vvote tu
distrattamente parle 'e me.
 
Oj cardillo a chi aspiette stasera?
Nun o vide, aggio aperte a caiola,
Reginella è vulata e tu vola,
 
vola e canta, nun chiagnere ccà
te 'a truvà na padrona sincera
ca' è cchiù degna
'e sentirte 'e cantà.
 
'aggio voluto bene a te
Tu m'è voluto bene a me
Mo nun 'nce amammo cchiù,
ma e vvote tu
distrattamente chiamme a me.